آخر تحديث: ١٣ أكتوبر ٢٠٢٦

تطبيق «التقويم» يعرض التاريخ الهجري والميلادي، ومواعيد الصرف، والمناسبات، وحاسبة التواريخ. خصوصيتك مهمة لنا، وهذي السياسة توضح وش يصير ببياناتك.

الخلاصة

• ما نجمع أي بيانات عنك. ما فيه حسابات، ولا تسجيل دخول، ولا إعلانات، ولا تتبّع، ولا أدوات تحليل.
• كل شي يبقى في جوالك. الإعدادات ومناسباتك وتاريخ الميلاد في الحاسبة تنحفظ على جهازك فقط، وما تنرسل لنا ولا لأي جهة.
• التطبيق يشتغل بدون إنترنت، وما يرسل أي معلومات للخارج.

البيانات المحفوظة على جهازك

• الإعدادات: المظهر، شكل الأرقام، بداية الأسبوع، يوم الراتب والمكافأة، منطقة التقويم الدراسي، وإعدادات التنبيهات.
• مناسباتي: اسم المناسبة وتاريخها وأيقونتها والملاحظة اللي تكتبها.
• حاسبة العمر: تاريخ الميلاد اللي تختاره، عشان يظهر لك في المرة الجاية.
• الودجت: نسخة من المواعيد القادمة تنحفظ في مخزن آمن على الجهاز، عشان تقدر الودجت تعرضها على الشاشة الرئيسية وشاشة القفل.

تقدر تحذف مناسباتك من داخل التطبيق في أي وقت، وإذا حذفت التطبيق تنحذف بياناته من الجهاز.

التنبيهات

إذا سمحت بالتنبيهات، يجدول التطبيق تذكيرات محلية على جوالك لمواعيد الصرف والمناسبات اللي تختارها. التنبيهات تنعمل داخل الجهاز نفسه وما تمر على أي خادم. تقدر توقفها من إعدادات التطبيق أو من إعدادات الجوال.

الأطراف الثالثة

ما نشارك أي بيانات مع أي طرف ثالث، لأننا أصلًا ما نجمعها.

الأطفال

التطبيق مناسب لكل الأعمار، وما يجمع أي بيانات من أي شخص.

دقة المعلومات

التاريخ الهجري حسب تقويم أم القرى، وقد يختلف يومًا عن رؤية الهلال. مواعيد الصرف محسوبة حسب القواعد المعلنة من الجهات الرسمية، وقد تتغير بقرار رسمي. المرجع دائمًا هو الإعلان الرسمي.